راولاکوٹ میں صورتحال کشیدہ: بنیادی سہولیات کی معطلی پر اوورسیز پاکستانیوں سے احتجاج کی اپیل

راولاکوٹ میں صورتحال انتہائی تشویشناک صورت اختیار کر گئی ہے، جہاں مقامی شہریوں کے مطابق علاقے میں ٹارگٹ کلنگ اور قتل و غارت کا سلسلہ شروع ہو چکا ہے اور متعدد افراد جاں بحق ہو چکے ہیں۔

علاقے سے موصول ہونے والے ایک ہنگامی پیغام کے مطابق راولاکوٹ میں بجلی کی فراہمی منقطع کر دی گئی ہے اور خوراک کا نظام بھی مکمل طور پر بند کر دیا گیا ہے، جس کے باعث مقامی لوگ بنیادی سہولیات سے بھی محروم ہو چکے ہیں۔ پیغام میں خدشہ ظاہر کیا گیا ہے کہ پرامن اور معصوم شہریوں کا مزید جانی نقصان ہو سکتا ہے۔

موجودہ سنگین حالات کے پیش نظر بیرونِ ملک مقیم (اوورسیز) شہریوں سے اپیل کی گئی ہے کہ وہ جہاں بھی ہیں سڑکوں پر نکلیں، مختلف مقامات پر دھرنے دیں اور بین الاقوامی برادری کے سامنے اس صورتحال پر بھرپور آواز اٹھائیں۔